Kombëtarja e Shqipërisë ndodhet në një situatë kaotike dhe alarmante përpara ndeshjes kundër Izraelit në 7 shtator për Ligën e Kombeve.
Kjo pasi në këtë përballje kemi dy mungesa të sigurta për shkak dëmtimi si Roshi dhe Sadiku, ndërkohë që një pjesë tjetër e titullarëve janë pa ekip dhe pa fazë përgatitore, e për pasojë jashtë çdo forme fizike.
Mavrajt, Alijit dhe Ajetit tashmë i është bashkuar dhe Hysen Memolla, i cili është përjashtuar nga ekipi i tij Hajduk Split. Mësohet se drejtuesit e klubit kroat e kanë dërguar mbrojtësin kavajas në ekipin B si dhe i kanë ndaluar atij hyrjen madje edhe në stadium apo seancat stërvitore të ekipit A. Kjo situatë ka ardhur pasi lojtarit i është komunikuar se nuk është më në planet e ekipit, e për këtë është kërkuar prishja e kontratës me mirëkuptim, kur ka mbetur edhe një vit nga mbarimi i saj.
Por Memolla nuk ka pranuar dhe së bashku me tre lojtarë të tjerë ka marr dënimin e sipërpërmendur. Në këtë situatë alarmante mbetet për t’u parë se çfarë do të mund të sajojë tekniku Panuçi për sfidën delikate në “Elbasan Arena”, ku nga reparti i mbrojtjes vetëm Xhimshiti dhe Hysaj janë në formë optimale me ekipet e tyre.
Loading ...
