Shpëtim Duro ka deklaruar se nuk do jetë më kurrë trajner i Partizanit. Në anën tjetër drejtimin e Tiranës e ka shprehur si objektiv për të ardhmen.
Në emisionin “Elite Show”, Duro tregon se nuk është respektuar te Partizani. Për këtë i ka humbur dhe dëshira që të drejtojë kampionët aktual të Shqipërisë.
Pjesë nga fjala e Shpëtim Duros në emisionin Elite Show, SuperSport:
A e kam objektiv të drejtoj një ditë Tiranën? "Patjetër! Jam rritur mes tifozëve të Tiranës. Vëllai i madh ka qenë tifoz me Tiranën, unë me Partizanin. Vëllanë e Refik Halilit e kam pasur shok fëmijërie".
Partizani? “Tani nuk shkoj më kurrë trajner i Partizanit. Kam dhënë shumë, por nuk jam respektuar. Nuk kam dëshirë ta drejtoj. Jam ndarë mirë me presidentin Demi. Ai më tha e ke derën e hapur, por nuk kam fare dëshirë të jem trajneri i tyre”, u shpreh Duro.
Kujtojmë se tekniku 64-vjeçar është aktualisht trajner i Strugës në Maqedoninë e Veriut. Sezonin e kaluar ia doli t’i shpallë kampion për herë të parë në historinë e klubit, ndërsa dhe këtë vit synim është trofeu më i rëndësishëm.
Lexo gjithashtu
