Shpëtim Duro shprehet i qartë se objektivi i Flamurtarit është qëndrimi në Superligë. Në një intervistë për mediat, para takimit të sotëm kundër Laçit, trajneri i Flamurtarit pranon se rëndësi ka që të fitojë ekipi i tij për të siguruar matematikisht qëndrimin në kategori.
"Kundër Laçit luajmë një ndeshje të rëndësishme. Do të jetë një përballje e fortë. Europa? Objektivi i Flamurtarit është qëndrimi në Superligë.
Në fakt, nëse nuk do të na hiqeshin 6 pikët nga FSHF-ja, atëherë objektivi 'Europë' do të ishte i realizuar.
Për sa i përket situatës së fundit që është krijuar, mund të them me bindje se presidenti nuk do të lërë asgjë mangët për sa i përket anës financiare që u takon futbollistëve.
Lojtarët e dinë këtë gjë, ndaj duhet të mundohen të japin maksimumin në dy ndeshjet e fundit.
Tifozët? Janë të mrekullueshëm, sepse na mbështetin me forcë në çdo ndeshje. Për sa u përket llogarive të skuadrave të tjera në luftën për mbijetesë, mua nuk më intereson shumë. Jam i përqendruar te Flamurtari dhe nuk më intereson se kush tjetër bie nga Superliga dhe kush qëndron", u shpreh trajneri i Flamurtarit, Shpëtim Duro.
Lexo gjithashtu
