Ekipi i Skënderbeut është duke kalur një sezon me ulje ngritje. Renditja e ngjeshur e tabelës së klasifikimit, bën që me një fitore të jesh pretendent dhe një humbje të çon në luftën për mbijetesë. Një gjë e tillë është duke ndodhur me korçarët e Skënderbeut, që kanë dominuar futbollin shqiptar për afro një dekadë. Djemtë e drejtuar nga Ilir Daja gjenden në një situatë aspak komode, teksa ndodhen në vendin e tetë, mes dhjetë ekipeve të kampionatit. Më shqetësues është fakti se në ndeshjet e fundit ekipi ka pësuar shumë, duke lënë një pakenaqësi edhe në lojën e zhvilluar.
Tre takimet e fundit nuk kanë rezultuar aty ku pritej, pasi "Ujqërit" kanë barazuar në Vlorë ndaj Flamurtarit dhe kanë pësuar dy humbje, një në transfertë dhe tjetra në shtëpi. Ajo çka shqetëson te bardhekuqtë është loja aspak e mirë në sulm. Ekipi ruan ende atë fizionominë e vet, por rastet përpara portës nuk shfrytëzohen si duhet. Trajneri Daja duhet të bëjë llogaritë me djemtë e rinj që ka në skuadër, teksa Dejvi Bregu nuk ka qenë në lartësinë e detyrës, pasi në 11 ndeshje ka gjetur golin vetëm dy herë. Vlonjatit duket se i janë lidhur këmbët, duke mos mahnitur me aftësitë që zotëron.
Në 11 javët e deritanishme, korçarët kanë një bilanc negativ. Me katër fitore, dy barazime dhe pesë humbje, skuadra grumbullon 14 pikë, shkëputur ndjeshëm nga dy ndjekëset më të afërta, konkretisht Luftëtari (6) dhe Flamurtari (3). Pozitive në këtë situatë është afërsia me kreun, me Skënderbeun që është katër pikë nga zona europiane. Kujtojmë se korçarët janë dënuar nga UEFA për mospjesëmarrje në kompeticionet europiane, shkak sipas institucionit më të lartë në kontinentin e vjetër është lidhja e tyre në trukimin e ndeshjeve.
Skënderbeu ka një bilanc negativ mes shënimeve dhe pësimeve. Dhjetë gola në 11 javë të luajtura, nuk i përgjigjen aspak pritshmërive të klubit, me sulmin që nuk "kafshon" më si dikur. Më shqetësuese rezulton prapavija, teksa trajnerit Ilir Daja i është dashur të improvizojë në qendër të mbrojtjes me Ditën. Ekipi ka pësuar plot 19 herë, duke u renditur mes tre mbrojtjeve më të dobëta këtë sezon. Bilanci negativ (-9), lojtarët e rinj, dëmtimet apo pezullimet duket se i kanë shtuar një barrë më shumë Skënderbeut, që duhet të dalë edhe nga hija e trukimeve që zhvendosën klubin nga majat e renditjes, drejt fundit të saj.
Lexo gjithashtu
