Në sallën e konferencave të stadiumit “Air Albania” u hodh shorti për duelet gjysmëfinale të Kupës së Shqipërisë. Skuadrat e kualifkuara janë Tirana, Vllaznia, Teuta dhe Eganatia.
Nga hedhja e shortit goglat vunë përballë njëra-tjetrës Vllaznia-Egnatia dhe Tirana-Teuta. Ndeshjet gjysmëfinale të këtij turne do të zhvillohen më 26 prill dhe 11 maj, ndërkohë që finalja e madhe do të luhet më datën 1 qershor 2023.
Ndeshje mjaft interesante në këtë fazë, teksa mund të përsëritet edhe finalja e vitit të kaluar, nëse si shkodranët ashtu edhe bardheblutë kalojnë Egantian dhe Teutën.
Vllaznia vjen në këtë fazë pasi ka fituar në dy edicionet e fundit trofeun e Kupës së Shqipërisë, ndërsa në total numëron 8 kupa të fituara. Gjysmëfinalistja tjetër Tirana mban edhe rekordin, duke u shpallur 16 herë fituese e Kupës së Shqipërisë, kurse Teuta e ka fituar 4 herë kupën. Egnatia është e vetmja nga katër gjysmëfinalistet që nuk e ka fituar asnjëherë më parë këtë trofe.
Çiftet në gjysmëfinale:
Vllaznia-Egnatia
Tirana-Teuta
Lexo gjithashtu
