Mirlind Daku ishte një nga mungesat e Kombëtares shqiptare në dy ndeshjet e para kualifikuese të Botërorit 2026. Sulmuesi nga Gjilani mungoi përballë Anglisë dhe Andorrës, për shkak të një dëmtimi të pësuar me ekipin e tij, Rubin Kazan. Në lidhje me dëmtimin e Dakut ka folur vetë trajneri i ekipit rus, Rashid Rakhimov.
“Dëmtimi është shumë i pakëndshëm. Mendoj se do të ketë nevojë për ndërhyrje të vogël. Do ta diskutojmë me doktorët. Ka punuar individualisht. Ta shikojmë si do të rikuperohet. Luan gjithashtu me ilaçe kundër dhimbjeve. Të gjithë kanë një dëshirë. Të shikojmë çfarë do të ndodhë”, është shprehur Rashid Rakhimov.
Ndërkohë vetë “bomberi” 26-vjeçar, në aspektin personal po kalonte një moment mjaft të mirë përpos këtij dëmtimi. Në 22 ndeshje të luajtura përgjatë këtij sezoni, Mirlind Daku ia ka dalë që të gjejë rrugën e rrjetës plot 11 herë dhe të dhurojë 6 asiste për shokët e ekipit të tij.
Lexo gjithashtu
