Sulmuesi aktual i Vardar, Matej Cvetanovski do jetë një futbollist i Shkupit në Maqedoninë e Veriut. Siç bën me dije “sportmedia” në vendin fqinj, kryeqytetasit kanë fituar duelin me Shkëndijën dhe Tiranën.
Sulmuesi duket se nuk ka dashur të lëvizë nga kampionati maqedonas, duke pasur deri dje një ofertë të majme nga Shkëndija. Vetë lojtari ka dashur një kontratë jo afatgjatë, gjë që është plotësuar nga Shkupi. Kësisioj, Tirana dhe Shkëndija kanë mbetur “thatë” për 23 vjeçarin që ka shënuar 6 gola dhe ka dhuruar 5 asiste këtë edicion.