Shkumbin Qormemeti, menaxheri ndërkombëtar, i cili ka bërë transfertat më të bujshme nga kampionati shqiptar në atë botëror flet për "newsport.al". Ai tregon të vërtetat e tij mbi bashkëpunimin me lojtarët e kombëtares, por edhe sesi ka ndryshuar futbolli shqiptar gjatë viteve të fundit.
Qormemeti transferoi Peter Olayinka-n dhe Bernard Berishën për një shifër rekord, përkatësisht 1.1 dhe 0.6 milionë euro në merkaton e janarit. Ndërsa këtë verë ai regjistroi kalimin e Bekim Balajt dhe Odise Roshit te Terek Grozny. Pra, momentalisht është menaxheri më i suksesshëm në Shqipëri, ndërsa bashkëpunon ngushtë me klubin korçar.
Pas një kontakti nga redaksia jonë, Qormemeti tregon disa detaje mbi transferimet: Çdo transferim jep satisfaksionin e vet, sidomos kur në të janë pjesë lojtarët e kombëtares", shprehet fillimisht dibrani.
[caption id="attachment_19410" align="alignleft" width="300"]
Shkumbin Qormemeti dhe Gerhard Takaj kur përfaqësuan Skënderbeun në shortin e Champions League[/caption]
"Dëshira ime është të ndihmoj lojtar kualitativ shqiptar pa marrë parasysh se në cilën skuadër janë dhe ku luajnë. Të menaxhosh dikë, duhet impenjim i madh psikik, fizik, emocional dhe finaciar", vijon të shprehet menaxheri ndërkombëtar.
"Superiorja shqiptare ka bërë një rritje shumë të madhe në vitet e fundit, duke investuar në lojtarë të rinj dhe të dëshmuar. Pjesëmarrja e ekipeve shqiptare në Kupat Europiane tregon se Superiorja nuk është më inferiore ndaj ekipeve europiane. Gjithashtu dhe pjesëmarrja e kombëtares në Europian bëri që futbollistët shqiptarë të jenë të respektuar në botën e futbollit", përfundon së thëni Qormemeti.
Lexo gjithashtu
