Mungesat janë kthyer në një problem të madh për skuadrat e Superiores. Nga ky “virus” është prekur edhe skuadra e Kukësit, teksa në duelin ndaj Dinamos do të ketë mungesa të rëndësishme.
Lojtari i fundit që i shtohet listës së të dëmtuarve është Franci Lala. Mbrojtësi është dëmtuar në stërvitje dhe me shumë gjasa do të mungojë në duelin e ditës së nesërme që Kukësi do të luajë ndaj Dinamos.
Gjithashtu të dëmtuar vazhdojnë të jenë Daniel Momoh, Francesko Hasaj dhe Abdou Mbarak. Ndërkohë rikthim i rëndësishëm është Endri Reçi, i cili mungoi në sfidën e kaluar për shkak kartonësh, teksa ndaj “Bluve” do të marrë vendin e tij në formacionin e Stavri Nicës. Kujtojmë se sfida me Dinamon do të luhet ditën e sotme duke nisur që nga ora 13:30 në "Kukës Arena".
Lexo gjithashtu
