Përpara disa ditësh u njoftua zyrtarisht nga FIFA se kishte nisur një hetim disiplinor ndaj federatës Meksikane për shkak se tifozët e kësaj kombëtare kishin kënduar kore të cilësuara nga vëzhguesit e ndeshjes si homofobike ndaj portierit gjerman Neuer në ndeshjen e parë të grupit F.
Sot është zbardhur dhe vendimi në lidhje më këtë çështje ku organizmi më i lartë i futbollit botëror ka vendosur të gjobisë Meksikën me 10 mijë dollarë gjobë për shkelje disiplinore lidhur me sjelljen e tifozëve të saj. Me të njëjtën masë është dënuar gjithashtu edhe federata serbe, pasi në ndeshjen mes kombëtares ballkanase dhe Kosta Rikës tifozët serb kishin shpalosur një pankartë politike në lidhje me Luftën e Dytë Botërore.
Ndonëse këto janë sjellje mjaft të hasura në stadiumet vendase respektive FIFA nuk fal në kompeticionet e saj dhe ka nxituar të bëjë shembull dy kombëtaret menjëherë .
Lexo gjithashtu
