Anxhelo Metaj dhe Mariglen Uka janë dy tifozët e Tiranës arrestuar mbrëmjen e djeshme nga policia e kryeqytetit nën akuzën e dhunës në stadium. Pasi janë marrë në pyetje dje nga policia dhe oficerët e policisë gjyqsore, dy tifozët bardheblu do të dalin para togave të zeza dhe me ndryshimet e fundit të Kodit Penal, nuk do ta kalojnë lehtë atë që ka dokumentuar policia, raporton newsport.al.
Nëntë persona të tjerë janë shpallur në kërkim, por policia nuk bën të ditur emrat, vetëm inicialet. Pas përfundimit të ndeshjes Tirana- Partizani 5-1 mbrëmjen e djeshme në Air Albania Stadium, ka pasur përplasje dhe sherre të tifozerive të të dy ekipeve në disa pika në Tiranë, pranë Gardës, si dhe mes Taivanit dhe Dajtit, por ka ndërhyrë policia, raporton newsport.al. Ndërkaq, burimet nga stadiumi raportojnë edhe thyerje stolash. Nuk është bërë akoma inventari, sepse administrata në stadium sot e ka pushim, por flitet për një numër 40-50 stola. Ditën e nesërme do të bëhet iventari përfundimtar.
Lexo gjithashtu
