Sherif Kallaku do të transferohet te Sepsi në Rumani. Burime të besueshme pranë lojtarit bëjnë me dije për Newsport.al se mesfushori i Teutës do të lërë në këtë merkato vere klubin durrsak. Marrëveshja është arritur me klubin rumun dhe tanimë priten detajet e fundit për të konkluduar transferimin e fantazistit.
Eksperienca e madhe në kampionatin shqiptar dhe cilësitë në repartin e mesit të fushës e kanë bërë Kallakun një nga lojtarët më të spikatur. Pritet me interes të shihet se si do të vijojë aventura e tij në Rumani, ndërsa këtë edicion futbollistik ishte pjesë e Teutës. Me “Djemtë e Detit” u aktivizua në 20 ndeshje duke arritur të shënojë edhe 6 gola.
25-vjeçari ka provuar edhe herë tjetër të luajë jashtë vendit duke u aktivizuar me Lokomotivën e Zagrebit. Mungesa e hapësirave në formacionin titullar, bënë që Kallaku të rikthehej sërish në Superiore duke treguar potencialin e tij. Tanimë një tjetër aventurë e prejt jashtë Shqipërie, këtë radhë në kampionatin rumun.
Lexo gjithashtu
