Mesfushori Sherif Kallaku dhe trajneri Bledi Shkëmbi pa frikë mund të cilësohen si dy goditjet e presidentit të Teutës, Edmond Hasanbelliu. Lojtari i kombëtares së Shpresave si dhe tekniku korçar kanë mrekulluar me punën e tyre të bërë përgjatë kësaj gjysme të parë të sezonit. Njëri në fushë me topin në këmbë, ndërsa tjetri në pankinë me grintën prej kampioni kanë arritur të ngrenë në nivele të paimagjinueshme Teutën e Durrësit.
Pozicion komod, vend i tretë dhe 33 pikë janë mjaftueshëm për të bërë të gjithë durrsakët të shpresojnë: Mbretëresha Teuta të rikthehet të sundojë në futbollin shqiptar. Megjithatë për të parë ose jo të tillë fund, duhen pritur edhe 18 javë dhe ecuria e performancës së Sherifit të Shkëmbit. Mundësitë janë, gjasat po ashtu, mbetet vetëm konkretizimi.
Lexo gjithashtu
