Teuta barazoi në transfertë përballë Laçit në ndeshjen e vlefshme për javën e 21-të të Superioes. Sfida e zhvilluar në Kurbin përfundoi me rezultatin 1-1. Pas kësaj sfide, për mikrofonat e MCN TV foli autori i golit për durrsakët, Ergys Peposhi.
“Për golin jam shumë i kënaqur pasi morëm një pikë karakteri dhe për të vijuar me vazhdimësinë. Është një rol i ri për mua por përshtatem që ta bëj dhe më mire. Mundohem të jap më të mirën time, e rëndësishme është që të marrim pikët dhe të dalim nga kjo situatë. Shpresoj shumë, ne kemi treguar që prodhojmë shumë futboll e tregojmë gjatë ndeshjes. U kualifikuam në Kupë dhe ka ardhur koha që të fitojmë në kampionat. Besoj se ndaj Skënderbeut do të vijë fitorja. Goli shkon për gjithë çunat e ekipit dhe jam i bindur që do të dalim nga kjo situatë”, është shprehu Peposhi.
Lexo gjithashtu
