Laçi ka fituar me rezultatin 4-1 ndaj Kastriotit, sfidë e vlefshme për javën e 33-të të Abissnet Superiore. Krutanët shënuan fillimisht, por më pas laçjanët u treguan dominues duke shënuar plot 4 gola. Për mikrofonin e Gol pas Goli foli në përfundim të sfidës autori i golit të tretë për Laçin që ishte kartolinë për ndeshjen, Klinti Qato.
“Falenderoj profesorin për besimin që më ka dhënë sepse kam qenë i dëmtuar. Ndjehem shumë i lumtur për vendin e dytë dhe për sigurimin e Europës. E kam parë dhe në stërvitje me Ujkën dhe Spahiun që bashkëpunojmë shumë mirë dhe jemi gati për vitin tjetër. Do qëndroj në Laç. Skuadra që kemi pasur më shumë vështirësi është Vllaznia, Kukësi që kemi pasur deri diku rival dhe Tirana që doli kampion”, u shpreh Qato.
Lexo gjithashtu
