Orges Shehi dërgoi një shkresë në klubin e Tiranës ku kërkonte nga bardheblutë të përmbushnin kushtet e kontratës së tij pas pezullimit nga ekipi. Presidenti i 26 herë kampionëve, Refik Halili ka konfirmuar ardhjen e kësaj shkrese ndërsa shprehet se ‘KF Tirana ka plotësuar gjithçka nga ana financiare deri në dhjetor.’
“Po, është e vërtetë që ka mbërritur një shkresë në klub për përmbushje kontraktuale. Datën nuk e kam fiksuar, sepse më duket se nuk kishte. Mund të them vetëm që KF Tirana ka zbatuar, zbaton dhe do të zbatojë marrëveshjen që ka me trajnerin e pezulluar.
Nëse nuk gabohem, por më duhet ta saktësoj, deri në dhjetor gjithçka është e plotësuar nga ana financiare. Kaq mund të them. KF Tirana zbaton çdo kontratë dhe rregull”, deklaroi Refik Halili për ‘Panorama Sport’.
Lexo gjithashtu
