Teuta vazhdon përgatitjet për sfidën delikate me Tiranën. Durrsakët janë optimistë përpara takimit me bardheblutë duke parë paraqitjen pozitive në ndeshjen e parë të këtij kampionati me Flamurtarin. Vlerësime të larta për lojën, por sulmi nuk bëri detyrën. Sipas parashikimeve, trajneri Bledi Shkëmbi mendohet se do të hedhë të njëjtin formacion në “Selman Stërmasi” që luajti dhe në “Niko Dovana”. Megjithatë shqetësimet për ndeshjen e së premtes kanë nisur të shtohen pasi dy futbollistët Tefik Osmani dhe Florent Avdyli lanë në mes stërvitjen pasi pësuan goditje në këmbë. Kur duhen dhe 2 ditë nga përballja e dytë e këtij sezoni, Shkëmbi shpreson të ketë skuadrën e plotë.
Ndërkohë ai ka përcaktuar masa të rrepta për lojtarët që prononcohen për mediat pa marrë autorizimin e tij. Çdo gjë duhet të mbetet e fshehtë përpara takimit dhe shkelja e rregullave pasohet me dënime.
Loading ...
