Sot, është mbledhur Komiteti Ekzekutiv i Federatës Shqiptare të Futbollit, i cili ka vendosur për datën që do të nisë sezoni i ardhshëm i Superiores. Përmes një njoftimi në kanalin zyrtar bëhet e ditur që edicioni i ri do të startojë në 19 gusht, ndërsa Kategoria e Parë do të nisë në 9 shtator. Më poshtë mund të njiheni me njoftimin zyrtar të FSHF-së:
"Komiteti Ekzekutiv i FSHF-së ka përcaktuar sot zyrtarisht datat e fillimit dhe mbarimit të sezonit të ardhshëm futbollistik, për Kategorinë Superiore dhe atë të Parë. Kështu, pas propozimeve të ardhura nga sektori përkatës, u vendos që kampionati i ardhshëm i Superiores, edicioni 2018-2019 të nisë në datë 19 gusht dhe do të përfundojë në 25 maj 2019. Faza e tretë e Superiores, pas pauzës dimërore do të nisë më datë 26 janar të vitit të ardhshëm.
Ndërkaq, edicioni 2018-2019 i Kategorisë së Parë do të startojë në datë 9 shtator dhe do të përfundojë në 11 maj 2019. Po kështu, anëtarët e KE vendosën që ndeshja finale e Superkupës së Shqipërisë të luhet në datë 12 gusht", shkruhet në lajmërimin e FSHF-së.
Lexo gjithashtu
