Futbolli në Shqipëri do të kthehet në fundjavë me ndeshjet e turit të parë të Kupës së Shqipërisë. Kampionët e Shqipërisë, Tirana do të përballet me Shkumbinin të diel në orën 13:30. Dueli pritet të zhvillohet në kompleksin “Skënder Halili”, pasi fusha e stadiumit “Selman Stërmasi” pritet t’i nënshtrohet rikonstruktimit.
Gjendja e keqe e fushës ka bërë që drejtuesit bardheblu të “shtegëtojnë” për pak kohë, derisa kushtet të jenë optimale. Kështu, në mungesë edhe të impiantit tjetër të kryeqytetit, stadiumit Kombëtar “Air Albania”, Tirana pritet të zhvillojë ndeshjen e Kupës në kompleksin e saj stërvitor.
Loading ...
