Pas tre muajsh do të festojë ditëlindjen e 39, ndërsa ka arritur që në dy vitet e fundit të jetë pjesë e ekipit tonë Kombëtar, duke qenë pjesë e historisë në Europian. Orges Shehi, portieri i Skënderbeut që ka ngritur lart 6 tituj kampionë radhazi në Shqipëri tregon edhe sukseset me Kombëtaren. Ai thotë se nuk ekziston xhelozia brenda tyre, çka është dhe çelësi i suksesit të deritanishëm për ta, por edhe se gëzimi dhe hidhërimi është i njëjtë në stol dhe në fushë.
“Ne e kemi bërë më së miri detyrën tonë duke marrë fitoren dhe duke u renditur të tretët. Tashmë nuk është në dorën tonë, kështu që presim deri të mërkurën për të marrë vesh për kualifikimin tonë në turin pasardhës. Shpresojmë për më të mirën”, tha fillimisht Shehi në konferencën për shtyp të Kombëatares.
“Mendoj që ne jemi pjesë e kësaj skuadre dhe jemi krenar që jemi në këtë event kaq të rëndësishëm. Arma jonë më e fortë është se jemi të bashkuar. Nuk kemi pse të jemi xhelozë për njëri-tjetrin. E ndiejmë lojën dhe emocioniet si ata që janë në fushë dhe ne në pankinë” sqaroi “gardiani” kuqezi për pjesën e stolit.
Në fund ai u pyet edhe për Skënderebun, ku normalisht që nuk largon nga vëmendja dhe shortin e Champions League: “Po jetoj një event shumë të rëndësishëm, por përsa i përket shortit të Skënderbeut në, them se është nuk është shumë në favor të skuadrës. Ferencvarosh është ekip i njohur dhe me traditë, por ky është fati, do të përballemi me të”.
Lexo gjithashtu
