UEFA ka njoftuar se të enjten e ardhshme, me 23 prill do të mbahet konferenca e radhës për të diskutuar në lidhje me situatën e krijuar nga Coronavirusi.
Përmes një njoftimi në kanalin zyrtar, institucioni i futbollit europian bën me dije se fillimisht do të ketë një mbledhje përmes video-konferencës me Sekretarët e Përgjithshëm të martën e 21 prillit, ndërsa të enjten do të jenë anëtarët e Komitetit Ekzekutiv që do të diskutojnë për gjendjen në vend.
“Komiteti Ekzekutiv i UEFA do të takohet përmes videokonferencës të enjten e ardhshme (23 prill) për një takim për të diskutuar zhvillimet e fundit në lidhje me situatën e krijuar nga shpërthimi i koronavirusit në futbollin Evropian.
Para këtij takimi do të ketë një seancë informimi për Sekretarët e Përgjithshëm të 55 shoqatave anëtare të UEFA-s, në datën 21 prill. Video-konferencat do të shërbejnë për të diskutuar për kampionatet kombëtare dhe kupat europiane. Komunikimi i mëtejshëm do të bëhet nëse është e nevojshme, pas takimit të Komitetit Ekzekutiv të UEFA-s”, thuhet në njoftimin e UEFA-s.
Lexo gjithashtu
