Me skuadrën dhe stafin teknin të fokusuar te finalja me Egnatian, drejtuesit vijojnë paralelisht punën për të përforcuar organikën në merkaton e verës.
Lëvizjet dalëse pritet të jenë më të bujshmet me Rrapajn e Maguette të cilëve u ‘rrotullohen’ milionat nga klubet europiane. Por, klubi i kuq ka në fokus konsolidimin sa më të mirë të ekipit dhe këtë sezon është evidentuar paqartësi në qendrën e prapavijës.
Sota e Sembene kanë qenë titullarët në të shumtën e rasteve, ndërsa Preka e Bytyçi më shumë kanë qenë të dëmtuar sesa në fushë. Sa i përket të huajve si Kocijan e Mikulic, ishin lëvizje të dështuara.
Me kroatët të larguar dhe Eljon Sotën ende në udhëkryq pasi i skadon kotnrata, Partizani ka hedhur sytë te Vasil Zhongo i Kukësit. Qendërmbrojtësi 24-vjeçar ka mbajtur një peshë të madhe në prapavijën e verilindorëve duke qenë ndër të paktët që kanë dhënë shkëndija të mira.
Largimi i tij është i pashmangshëm me Kukësin që ra nga kategoria dhe të kuqtë duan të përfitojnë duke tentuar një lojtar të ri, cilësor dhe me eksperiencë në Superiore. Një lëvizje ‘alla-Bytyçi’ i cili poashtu erdhi nga Kukësi. Kujtojmë që Partizani është i interesuar edhe për sulmuesin 21-vjeçar Salami dhe mund të kemi një ‘dopio-transferim’ në kryeqytet.
Lexo gjithashtu
