Erzeni dhe Kastrioti ndajnë nga 1 pikë me ndeshjen që u mbyll në barazim pa gola. Një ndeshje e vakët me jo shumë raste. Shijakasit shkojnë në kuotën e 38 pikëve në vendin e 5-të ndërsa krutanët mbeten të fundit me 28 pikë. Pas ndeshjes kapiteni i Erzenit, Krasniqi, foli për Oversport.
Personalisht më mungonte fusha pasi jam prej 3 muajsh i dëmtuar, sot u përopqa t’i jepja kurajo skuadrës. Objektivi jonë ka qenë të qëndrojmnë në 10 më të mirat dhe ky do të jetë edhe në vazhdim.
Barazimi ishte i drejtë, patëm rastet tona por për fat të kqe nuk shënuam. Problemi jonë kanë qenë dëmtimet. 2 fazat e dyta nuk kemi qenë asnjëherë të plotë, kemi munguar të gjithë me rradhë. Harmonia ka qenë më e mira, kemi qenë të gjithë bashkë, do të bëjmë maksimumin të qëndrojmë në 10 më të mirat.
Kemi marrë shumë gola, por kur nuk shënon e pëson, ne edhe shënojmë edhe pësojmë. Nuk kemi qenë në formën më të mirë, disa lojtarë agjerojnë dhe ndoshta ndikon edhe kjo E rëndësishme është që të shpëtojmë, më pas të shohim sezonin tjetër. Drejtuesit edhe stafi teknik do të merren me këtë pjesë.
Trajneri ishte i qetë, nuk reagoi. Na falenderoi për atë që dhamë në fushë. Tani do të ikim të gjithë për darkë siç bëjmë gjithmon, zakoni i Shijakut.
Lexo gjithashtu
