Dje, Kukësi ka luajtur ndeshjen e kthimit ndaj Erzenit për Kupën e Shqipërisë, e vlefshme për fazën e 1/8-ve. Edhe pse ekipi verilindor ka fituar bindshëm takimin me rezultatin 5-1, kjo fitore nuk ka gëzuar aspak presidentin e klubit, Safet Gjicin, i cili ka ndjekur vetëm pjesën e parë të takimit dhe pak nga pjesa e dytë.
Si duket, kualifikimi për në fazën tjetër për Kukësin ishte diçka më se e sigurt, ndaj "numri 1" i klubit ka vendosur të ndjekë axhendën e tij, duke lënë stadium pak minuta para se sfida të përfundonte.
Edhe pse një fitore e bindshme në ndeshjen e Kupës, Gjici ka mbetur i "pakënaqur" dhe kjo jo për shkak të rezultateve në këtë kompeticion, por për shkak të rezultateve në kampionat, të cilat kanë krijuar jo pak probleme në kampin verilindor.
Lexo gjithashtu
