Pas përplasejes në shkallët e stadiumit “Zeqir Ymeri” në takimin Kukësi-Partizani, të kuqtë kanë nxjerrë një video ku pretendojnë se janë provokuar me gurë apo sende të tjera të forta të cilat kanë ardhur në drejtim të tyre nga jashtë stadiumit.
Presidenti i Kukësit, Safet Gjici, ka reaguar në lidhje me videon e postuar më herët në faqen zyrtare në “Facebook” të FK Partizanit.
“Videot që nxjerrin edhe mund t’i shpikin, nuk është çudit. Di të them që ndeshja deri në minutën e 70-të ishte shumë e luftuar nga të dyja skuadrat dhe nuk pati asnjë problem. Edhe vetë drejtuesit e Partizanit janë habitur se si ka mundësi që tifozët e tyre të bëjnë të tilla sherre?! Madje ata aluduan për 10-15 vetë që pinë drogë dhe nuk dinë çfarë të bëjnë më pas. Tifozë të tillë nuk duhen në stadium”, është shprehur Gjici.