Pas largimit të Mirel Josës nga Vllaznia, Rudi Vata është përfolur për të marrë drejtimin e shkodranëve. Ish lojtari i njohur i Kombëtares ishte aluduar si kandidat për pankinën kuqeblu.
Për këtë ka folur vetë Vata që nga Skocia e largët ka hedhur poshtë gjithçka. Në një prononcim të dhënë për “Shkodrasport”, ai ka deklaruar:
“Unë si trajner te Vllaznia? Mua nuk më ka kontaktuar askush për këtë situatë dhe ua them me bindje të plotë se nuk ka asgjë të vërtetë rreth diçkaje të tillë. Besoj shumëkush e di që unë jam kundërshtar i sistemit të futbollit në Shqipëri. Kështu që nuk besoj se Vllaznisë mundet t’i interesojë prezenca ime në klub”.
Tashmë pritet të shihet se kush do të jetë pasardhësi i Mirel Josës në krye të pankinës së Vllaznisë. Situata te shkodranët nuk është aspak e qetë.
