Stadiumi "Loro Boriçi" nuk është marrë në dorëzim nga Bashkia e Shkodrës. Impianti i rikonstruktuar nuk i ka mbyllur punimet. Mësohet se ky stadium ka rrezikuar jetën e mijërave tifozëve, pasi nuk është kolauduar. Edhe presidenti Duka në një emision sportiv e ka theksuar mungesën e supervizimit dhe kolaudimit, teksa është shprehur: "Po bëhet gati raporti i supervizionit dhe po kolaudohet. Por, për këtë duhen edhe 500 mijë euro", ka përfunduar presidenti i FSHF-së, Armando Duka.
Kryetarja e Bashkisë së Shkodrës, Voltana Ademi ka deklaruar që nuk e merr në dorëzim këtë impiant të rikonstruktuar, pasi ai është lënë përgjysmë. Propozimi i bërë nga FSHF-ja nuk është pranuar nga ajo, e cila ka thënë: "Ajo që po presim në këto momente nga Federata Shqiptare e Futbollit është përfundimi i stadiumit dhe më pas dorëzimi i tij". /shekulli.com/
Lexo gjithashtu
