Të dielën, Tirana do të luajë në transfertë kundër Kukësit në kuadër të javës së 30-të të Superiores. Ky takim është mjaft i rëndësishëm për të dy skuadrat duke parë objektivat që ato kanë. Bardheblutë luajnë për të mos rrezikuar mbijetesën, ndërsa verilindorët për titullin kampion.
Megjithatë për 24 herë kampionët e Shqipërisë pjesa e mbetur e sezonit do të jetë malore e vërtetë. Javën e ardhshme, bardheblutë do të luajnë derbin me Partizanin, një sfidë mjaft e rëndësishme për historinë e këtyre ekipeve.
Tre lojtarë titullarë rrezikojnë të mos jenë të gatshëm për këtë takim, nëse do të ndëshkohen kundër Kukësit në "Zeqir Ymeri". Bëhet fjalë për Afrim Takun, Olsi Teqjën dhe mbrojtësin e linjës, Dorian Kërçikun.
Tashmë është përcaktuar edhe axhenda e kësaj sfide që do të zhvillohet të premten në orën 19:00, ndërkohë vetëm pas sfidës me Kukësin do të mësohet se tre lojtarët e sipërpërmendur do të jenë ose jo të gatshëm për trajnerin Mirel Josa.
Lexo gjithashtu
