Kukësi i këtij sezoni është shumë larg pritshmërive të çdo tifozi. Verilindorët si asnjëherë më parë në këtë sezon synim kryesorë kanë mbijetesën. Nisja shumë e dobët e sezonit bëri që skuadra të lundronte në zonën e ftohtë të renditjes.
Emërimi në stol i një trajneri që njeh mjaft mirë ambientin kuksian ishte e goditur. Rraman Hallaçi ka gjetur kurën e duhur për të “ringjallur” skuadrës. Si një kuksian i vërtetë, ish-kapiteni ka mundur të kthejë optimizmin te lojtarët dhe tifozët gjatë 13 javëve të fundit.
Në 26 ndeshje që janë luajtur deri tani, verilindorët kanë mundur të grumbullojnë 35 pikë dhe renditen në vendin e 6-të. Në 13 javët e para ia kanë dalë të koleksionojnë vetëm 13 pikë, kun ë krye të skuadrës ishin Gega dhe Dobi. Ndërkohë me ardhjen e Hallaçit në po kaq ndeshje kanë grumbulluar 23 pikë, thuajse dyfishin e pikëve.
Nëse kampionati do të fillonte kur Hallaçi mori drejtimin e Kukësit, atëherë verilindorët do të ishin mes pretendentëve për titullin kampion. Një tregues i qartë ky se 39-vjeçari ka gjetur edhe “kurën” e duhur të skuadrës së qytetit të tij të lindjes, ndërsa tashmë ndodhen vetëm 3 pikë larg vendit të 3-të në klasifikim, pozicion që të dërgon në Conference League.
Lexo gjithashtu
