Kukësi ka reaguar pas lajmeve për shkarkimin e trajnerit Rraman Hallaçi. Verilindorët bëjnë me dije se trajneri do jetë në detyrë dhe po punon për të përforcuar ekipin.
Mëngjesin e sotëm, Abc News bëri me dije se verilindorët zhvilluan një mbledhje urgjente ku u diskutua dhe shkarkimi I trajnerit Hallaçi, ndërsa si pasues i tij u përfol Bledar Devolli.
Verilindorët sqarojnë se kjo nuk është e vërtetë, me trajnerin që veç ndeshjes së radhës me Apoloninë, po punon edhe për afrimet e reja në merkato.
Njoftim i Kukësit!
Futboll Klub Kukësi kërkon të sqarojë opinionin publik se lajmet e orëve të fundit në media, për shkarkimin e trajnerit Rraman Hallaçi janë të pavërteta. Hallaçi do të vazhdojë të jetë trajner i skuadrës dhe stafi teknik po punon për të përforcuar skuadrën në merkaton e janarit duke siguruar të gjithë se ekipi do të kthehet te rezultatet pozitivë shumë shpejt.
Trajneri Hallaçi ka besimin e klubit dhe mbështetjen e të gjithë futbollistëve në këtë moment të vështirë për skuadrën. Skuadra zhvillon sot stërvitjen e radhës për ndeshjen ndaj Apolonisë nën urdhërat e trajnerit Hallaçi.
Klubi e kupton se emri i Kukësit shton klikimet dhe rrit shitjet e gazetave por njëkohësisht kërkon nga mediat që të tregohen profesioniste dhe të mos publikojnë lajme të rreme. Klubi ka zyrën e shtypit ku mund të merret çdo informacion që keni nevojë. Para se të publikoni një lajm, jeni të lutur të siguroheni.
Zyra për shtyp
FK Kukësi
Lexo gjithashtu
