Ndeshja e mbrëmjes së djeshme midis Gjibraltarit dhe Armenisë nuk do të mbahet mend vetëm për fitoren historikë të Gjibraltarit, por edhe për incidentin e papritur para ndeshjes.
Në momentin kur po përgatitej ekzekutimi i himnit të Gjibraltarit, banda muzikore armene e ngatërroi me himnin e Lihteshtejnit.
Megjithatë, Gjibraltari arriti të turpëronte Armeninë në shtëpinë e saj duke fituar minimalisht me rezultatin 1-0 falë penalltisë së Joseph Chipolina në minutën e 50-të.
Federata e Gjibraltarit u shpreh e indinjuar me "ngatërresën" që bëri Armenia. Më pas pala armene kërkoi falje zyrtarisht në adresë të Gjibraltarit.
Kjo është fitorja e parë e rëndësishme në historinë e Gjibraltarit, e cila është lejuar të marrë pjesë në kompeticionet ndërkombëtare në 2013. Bilanci i tyre është 22 humbje, 107 gola të pësuar dhe vetëm një ndeshje e fituar. Takimi u zhvillua në kuadër të Ligës së Kombeve.
Lexo gjithashtu
