Klubi i Partizanit vjen me risi në këtë pauzë të kampionatit shqiptar. Siç bëhet e ditur, presidenti Gaz Demi ka investuar dhe në bashkëpunim me TIBO-n do të kenë televizionin e parë sportiv në Shqipëri. Emri i kanalit do të jetë “Partizani Channel”. Përmes një njoftimi të bërë në kanalin zyrtar të klubit thuhej:
“ !!!
Për herë të parë në Shqipëri, një Klub Futbolli hap televizionin e tij dhe këtë e bën FK Partizani. Një tjetër projekt i presidentit Gazment Demi, i cili bëhet realitet në bashkëpunim me TIBO Media Partner dhe presidentit të saj Adnand Mahmuti. Tashmë klubi ka një kanal televiziv ku do të mund të transmetojë që nga ndeshjet e ditëve të sotme e deri tek ato të viteve të shkuara, por pa lënë mënjanë sfidat e ekipeve të moshave, ekipit të femrave si dhe intervista të veçanta me protagonist aktual por edhe figura të shquara të " Klubit Legjendë"...
Ditët në vijim pritet edhe ceremonia zyrtare e hapjes së Partizani Channel ku dy presidentët do të nënshkruajnë marëveshjen mes tyre.
Në bashkëpunim me platformën TIBO, në kanalin 216 të saj, tifozët e kuq mund të ndjekin gjithçka që lidhet me FK Partizanin 24 orë në ditë. Shumë shpejt do të ketë edhe emisione të dedikuara ku edhe vetë tifozët do të jenë pjesë ... Sepse ne jemi një familje e madhe! Familja e kuqe ...
P.M.T.P”
Lexo gjithashtu
