Tirana ka nisur nga puna për të përforcuar ekipin në merkaton e janarit. Pas largimit të Florent Hasanit, bardheblutë kanë një mungesë të theksuar goli me lojtarët e tjerë që kanë tundur shumë pak herë rrjetën duke u varur totalisht nga dardani.
Problemet më të mëdha i ka shfaqur mbrojtja këtë sezon duke pësuar plot 24 gola, jashtëzakonisht shumë për një ekip që kërkon titullin kampion. I vetmi që po performon më së miri në këtë repart është mbrojtësi i majtë Florjan Përgjoni.
[caption id="attachment_715583" align="alignnone" width="799"]
Florian Përgjoni - KF Tirana[/caption]
Performancat e tij kanë qenë fantastike që pas largimit të Marsel Ismajlgecit duke blinduar aksin e majtë. 27-vjeçari nga Lezha ka zhvilluar plot 90 paraqitje me kryeqytetasit duke shënyar 3 gola e 6 asiste e duke u shpallur 'Mbrojtësi i Majtë më i Mirë' i vitit 2023 nga FSHF.
Anësorit i ka mbetur edhe 6 muaj kontratë dhe Tirana është në 'hall' për të zgjidhur këtë çështje. Drejtuesit duhet të veprojnë shpejt për të arritur një marrëveshje rinovimi në mënyrë që të mos largohet falas në verë.
Gjithashtu qëndron edhe opsioni i shitjes në janar për të mbushur arkat e klubit, por ky opsion është më pak i mundshëm me Tiranën që nuk dëshiron të heqë dorë lethë nga një prej lojtarëve më të mirë në qarkullim.
Lexo gjithashtu
