Skuadra kuksiane ka nisur sot përgatitjet në Shqipëri, pas mini-fazës përgatitore 12-ditore në Slloveni. Ekipi është stërvitur në kompleksin “Internacional” në Pezë-Helmas. Të pranishëm ishin të gjithë lojtarët e skuadrës, përfshirë edhe Gentian Muçën, ardhja më e re në ekipin verilindor. Lojtarët i janë nënshtruar programit të caktuar nga trajneri Hasan Lika duke aplikuar një formë stërvitje taktiko-teknike. Skuadra do të vijojë ditën e nesërme përsëri stërvitjen në kuadër të ndeshjes së Europa League, ku kuksianët do të ndeshen me 30 qershor në “Elbasan Arena” me Rudar Pljevljen.
