Dinamo prej ditësh vazhdon përgatitjet për duelin me Luzin që do të jetë edhe sfida e fundit e Kategorisë së Parë. Blutë që tashmë kanë siguruar edhe ngjitjen në Superiore për sezonin e ardhshëm ndaj kavajasve do të synojnë vetëm fitoren për të mbyllur në mënyrën më të mirë të munshme këtë sezon.
Në fakt në kryeqytet shpresojnë te një hap i Skënderbeut ndaj Lushnjes për të ngritur lart edhe trofeun e titullit kampion të kësaj kategorie. Kjo për ta do të ishte mbyllja përfekte të një sezoni të luftuar në Kategorinë e Parë.
Lajm i mirë për Dritan Mehmetin është rikuperimi i 4 futbollistëve, të cilët ishin të dëmtuar. Pushimet e zgjatura poër blutë kanë rezultura pozitive, pasi tashmë ndaj Luzit do të kenë të gatshëm Denisson, Imamin, David Ivan dhe Patrik Bardhin. I vetmi që mungon është Smaçi, i cili është operuar.
Në këtë mënyrë Mehmeti do të ketë mundësinë të zgjedhë lojtarët më të mirë që ka në dispozicion për të tentuar fitoren, e cila me humbjen apo me një barazim të Skëndeut ndaj Lushjes do të ishte “qershia” mbi tortë.
Lexo gjithashtu
