Tirana do të luajë të dielën kundër Kukësit në stadiumin “Selman Stërmasi” në kuadër të javës së dhjetë të Superiores. Kjo sfidë është mjaft e rëndësishme për të dy ekipet që do të synojnë të marrin pikët maksimale.
Bardheblutë e trajnerit Orges Shehi janë optimistë dhe tashmë grupi është i plotë. Sot do të bashkohen me ekipin Sherif Kallaku, Ardit Deliu dhe Redon Xhixha që ishin të grumbulluar me kombëtaren shqiptare. Sakaq gati për këtë sfidë është edhe Vesel Limaj i cili e ka kaluar dëmtimin.
Në pikëpyetje mbetet kapiteni Marsel Ismajlgeci për të cilin do të vendoset vetëm pak para ndeshjes nëse do të luajë. Mëngjërashi ka një kontraktim muskular, ku stafi mjekësor është optimist që ai do të zbresë në fushë. Pritet me interes se si do të jetë 11-shja titullare e Tiranës, me rikthimet që i shtojnë luksin, por ia bëjnë më të vështirë përzgjedhjen trajnerit Orges Shehi.
Lexo gjithashtu
