Rikthim fantastik i Kristian Prenga në ring.
Boksieri shqiptar ka fituar me nokaut teknik përballjen me rivalin e tij, Samuel Miller.
Prenga ka pasur probleme fizike kohët e fundit, duke iu nënshtruar disa operacioneve në dorën e tij.
Gjithsesi, edhe pse 3 vite jashtë ringut, 30-vjeçari mirditor tregoi forcën, duke trullosur kundërshtarin dhe fituar duelin e radhës në mënyrën se si ai di: rivali në parket.
I kontaktuar nga "Newsport.al", menjëherë pas ndeshjes, Prenga u shfaq tepër i emocionuar ndërsa shtoi se ndihet mirë për fitoren.
"Isha i emocionuar kur hipa në ring. Ndihem mirë. Dua dhe pak kohë të jem në formën time më të mirë,' tha shkurtimisht Prenga.
Në 11 ndeshje në boksin profesionist, Prenga ka regjistruar 10 fitore e vetëm një humbje.
Lexo gjithashtu
