Në janar të vitit 2021, Ilir Daja e kishte ndarë mendjen. Donte në skuadër Valentino Muratajn. Drejtuesit ia plotësuan dëshirën duke blerë kartonin e mesfushorit nga Bylisi. Me të ardhur te Partizani në atë gjysmë sezoni të mbetur, Murataj arriti të fitonte vendin e titullarit.
Në sy ra në derbin kundër Tiranës e fituar në Elbasan me gol të Erald Çinarit. Më tej fitoi besimin e Dajës duke qenë titullar i padiskutueshëm. Me fillimin e sezonit të ri, çuditërisht Muratajt iu dha mundësia në disa ndeshje, por nuk arriti të ishte në nivelet e fillimit.
26-vjeçari fierak e humbi shkëlqimin e tij duke ndjekur të njëjtën linjë me skuadrën, plot ulje dhe ngritje. Në këtë edicion të ri futbollistik, Murataj ka fituar sërish besimin e stafit teknik. Shtashkurtri po bën mirë duke u shndërruar në nivelet e fillimeve të tij te Partizani.
Lexo gjithashtu
