Edhe pse ka kaluar shumë kohë, mbrojtësi i kombëtares Arlind Ajeti nuk është aktivizuar në ndeshjet zyrtare me Torinon.
Pritet dita e mërkurë për të kuptuar nëse trajneri do e përfshijë në listën e lojtarëve që do të hedhë në fushë.
Nëse kjo gjë nuk ndodh as nesër, punët vështirësohen për mbrojtësin.
Dihet fare mirë që dhe tek kombëtarja shanset për të luajtur janë të pakta, për shkak të minutave që mbrojtësi ka luajtur me Torinon dhe që pozicionin e tij tek kombëtarja po e mbulon shumë mirë Gjimshiti.
Ka qenë De Biasi ai që ka deklaruar në takimin e parë që u luajt ndaj Izraelit, se nëse një lojtar nuk luan rregullisht me ekipin e tij, mundësitë për të luajtur me kombëtaren janë të pakta.
Kujtojmë se Ajeti sapo është kthyer nga një dëmtim i rëndë që e mbajti jashtë fushe për një periudhë të gjatë, kjo vështirëson akoma më shumë situatën e mbrojtësit në këtë periudhë.
Lexo gjithashtu
