Kategoria Superiore ka luajtur 4 ndeshje këtë fundjavë teksa pret edhe atë të fundit ditën e sotme në Niko Dovana ku Kukësi sfidon Erzenin në orën 15:00 për të mbyllur javën e 8 të kampionatit. Me 4 ndeshjet e tjera të mbyllura, ku fitues doli vetëm Teuta dhe Tirana që mposhtën Egnatian dhe Bylisin, renditja e klasifikimit ka pësuar ndryshime të vogla.
Tirana përfiton nga barazimi i Partizanit me Kastriotin dhe i afrohet të kuqve me vetëm 1 pikë duke shkuar në kuotën e 15 pikëve. Vendin e tretë e mban Erzeni me 12 pikë por me një ndeshje për të luajtur. Bylisi dhe Vllaznia ndajnë vendin e 4 dhe 5 me 11 pikë secila.
Kastrioti me pikën e marrë në Elbasan Arena kapërcen Egnatian dhe ngjitet në vendin e 6 me 10 pikë duke lënë rrogozhinasit në të 9-tin me 1 pikë më pak. Kukësi ka shansin e artë për të bërë një katapultim të frikshëm në renditje teksa fitorja e mundshme ditën e sotme ndaj Erzenit do ta dërgonte në kuotën e 11 pikëve, aq sa Bylis dhe Vllaznia që mbyllin zonën europiane.
Teuta pavarësisht fitores nuk ja del të largohet nga zona e kuqe dhe mban vendin e parafundit me 7 pikë duke lënë Laçin në fund me 5 pikë.
Lexo gjithashtu
