Abissnet Superiore ka mbyllur javën e 34-të të saj . 3 skuadrat e kreut sëbashku me Teutën kanë siguruar fitoren, ndërsa sfida e vetme që është mbyllur në barazim është dueli mes Bylisit dhe Kukësit. Renditja për 4 vendet e para nuk ndryshon, njëjtë si 4 vendet nga fundit, ndërsa rrotacion mes tyre bëjnë Laçi dhe Teuta.
Egnatia pas fitores 3-2 ndaj Erzenit ia ka dalë të sigurojë matematikisht edhe Europën. Një arritje historike për rrogozhinasit, të cilët këtë sezon kanë bërë një kampionat shumë të mirë. Pas këtij triumfi skuadra e Edlir Tetovës mban vendin e 3-të me 52 pikë. Vllaznia që e njek nga pas humbi në “Arenën e Demave” ndaj Partizanit.
Të kuqtë triumfuan me shifrat 2-1. Pas këtyre 3 pikëve djemtë e Colellës shkojnë në kuotën e 61- pikëve, teksa kuqeblutë e Goce Sedlovskit mbetet në kuotën e 46 pikë.
Me 1 pikë i ndjek Teuta, e cila siguroi matematikisht mbijetesën, ndërsa “kërcënon” Vllazninë për vendin e 4-të. Djemtë e Detit fituan 1-0 ndaj Kastriotit të vendit të fundit.
Tirana vazhdon të kryesojë me 2 pikë më shumë se Partizanit, pasi mposhti në transfertë skuadrën e Laçit. Bardheblutë triumfuan 3-1 ndaj kurbinasve. Skuadra e Stavri Nicës mbetet në vendin e 6-të me 44 pikë.
Renditja në 4 vendet e fundit nuk ndryshon. Kukësi pas barazimit me Bylisin mban vendin e 7-të me 41 pikë, ndërsa Erzeni me 2 pikë më pak ndodhet në vendin e 8-të. Skuadra e Naxhi Shensoit ka grumbulluar 37 pikë, ndërsa Kastrioti në vendin e fundit me 35 pikë.
[caption id="attachment_693579" align="alignnone" width="544"]
Renditja e Abissnet Superiore pas javes se 34-te[/caption]
Lexo gjithashtu
