Tirana ka dy muaj që nuk humbet në kampionat. Bardheblutë do shkojnë sot në derbi me Partizanin me një rekord më vete sa i takon sezonit, pasi qysh prej 21 nëntorit 2020 janë të pamposhtur në Superligë. Të besuarit e Nevil Dedes kanë një statistikë vërtet interesante këtë sezon, me trajnerin Ilir Daja që do duhet të punojë për pjesën ofensive.
Në 18:00, Tirana hyn në fushë si e pamposhtur për 11 ndeshje radhazi këtë sezon. Humbja e fundit ishte pikërisht ndaj Vllaznisë 3-2 në shtesë, me atë gol të Dunga në sekondat e fundit. Forma e mirë e grupit ka sjellë rezultate jo zhgënjyese, teksa te bardheblutë po tentojnë të dalin nga "ngërçi" i barazimeve. Kujtojmë se ndeshja derbi e fituar me Partizanin fazën e dytë të sezonit të shkuar, solli pikën e kthesës te bardheblutë kampionë në fuqi të vendit.
Lexo gjithashtu
