Messi dhe partnerja e tij me të cilën kanë dy fëmijë, Antonella, do ta kurorëzojnë dashurinë e tyre së shpejti në 24 qershor dhe ethet e dasmës kanë filluar. Por kjo gjë që lidhet me përgatitjet e ceremonisë është lënë disi në harresë pasi ditët e fundit po bën bujë lajmi se Shakira, gruaja e një prej miqve dhe kolegëve më të mirë të Messit, Pique, nuk ka pranuar ftesën për të qenë në dasmë duke u justifikuar se ka një agjendë të ngjeshur.
Mirëpo “El Pais” shkruan se arsyeja e vërtetë e refuzimit të këngëtares 40 vjeçare është armiqësia që ka me gruan e Messit. Kjo pasi Antonella nuk e ka miratuar lidhjen e kolumbianes me Pique.
Ky mospajtim ka ardhur, pasi shoqja e saj e ngushtë, Nuria Tomas ka qenë në lidhje dashurie me Pique, përpara se në jetën e mbrojtësit spanjoll të hynte këngëtarja Shakira dhe të prishte marrëdhënien e tyre në vitin 2010.
Lexo gjithashtu
