Tirana nuk e fitoi titulli kampion, megjithatë të gjithë ishin dëshmitarë të këtyre javëve të fundit të Abissnet Superiore. Java e 36-të ishte përmbyllëse e këtij edicioni sportiv me bardheblutë që bënë detyrën deri në fund të kampionatit duke triumfuar 2-1 ndaj Erzenit. Gara u mbyll me pikë të barabarta me Partizanin, por të kuqtë fituan titullin kampion për shkak të avantazhit në ndeshje direkte me Tiranën.
Megjithatë pengjet janë të shumta në klubin bardheblu që ishte farë pranë trofeut të 27-të kampion. Presidenti Refik Halili nuk ka kursyer asgjë për skuadrën. Madje burime të besueshme bëjnë me dije për Newsport.al që kreu i bardhebluve kishte akorduar 20 milionë lekë (të vjetër) premio pas ndeshjes me shijakasit. Edhe pse titulli nuk u fitua nga ata, presidenti ka mbajtur fjalën duke u shpërndarë paratë futbollistëve.
Kujtojmë që dje Tirana luajti finalen e Kupës së Shqipërisë, që u fitua 1-0 nga Egnatia. Një penallti ishte vendimtare për rrogozhinasit, ku morën këtë trofe për herë të parë në historinë e klubit të tyre.
Lexo gjithashtu
