Një nga kriteret e këtij sezoni futbollistik në Abissnet Superiore, ishte që çdo klub të kishte ekip femrash. Fillimisht nuk u mor seriozisht, por pas vendimeve të organeve përkatëse, u pa që Federata Shqiptare e Futbollit ishte e prerë për këtë fakt. Dhjetë klubet e elitës kanë një skuadër futbolli femrash. Ka nga ato që kanë lidhur marrëveshje me ekipe që kanë milituar vite më parë në kampionatin shqiptar.
Logjikisht kjo politikë duhet të ishte ndjekur prej kohësh në Shqipëri sepse në fund të ditës, kompeticionet europiane vlejnë njësoj si për futbollin e meshkujve. Mjafton të përmendim rastin “Vllaznia”. Skuadra shkodrane po shkëlqen në Europë dhe veç të ardhurave që klubi shkodran përfiton nga ekipi i meshkujve, arka e klubit po mbushet dhe me sukseset e vajzave. Kuqeblutë janë ndër të paktët që kanë investuar te skuadra e futbollit të femrave.
Në 2019-tën, Vllaznia shkroi historinë duke u kualifikuar në Ëomen’s Champions League. I vetmi ekip shqiptar që ka bërë këtë rrugëtim fantastik duke konkuruar mes më të mirave në Europë. Çdo ndeshje e zhvilluar dhe kualifikimi në grupe ka siguruar do të thotë të ardhura shtesë për klubet. Në një moment kur futbolli është shndërruar në industri, pse nuk investohet edhe te femrat? Në fund, të ardhura shtesë do të përfitohen nga UEFA, veçanërisht gjatë sukseseve europiane. /Newsport.al/
Lexo gjithashtu
