Ditën e sotme do të luhen edhe dy ndeshjet e mbetura të javës së 13-të të “Abissnet Superiore”. Të dyja takimet do të luhen në oraretë ndryshme, 16:30 dhe 19:00.
Gjithçka nis me Vllaznia-Egnatia që nis në orën 16:30, ku shkodranët në “Loro Boriçi” do të kërkojnë të hedhin prapakrahëve humbjen në Superkupë dhe kanë shansin e artë të afrohen me vendet e para, pas barazimit të Erzenit me Partizanin. Ndërkohë rrogozhinasit e Shpëtim Duros nuk shkojnë për shëtitje në Shkodër, pasi kërkojnë 3 pikët për të lënë prapa një nga kundërshtarët e tyre.
Në orën 19:00 do të jetë radha e kampionëve në fuqi për të zbritur në fushën e lojës. Tirana do të sfidojë Kastriotin në “Air Albania”. Kampionët janë të motivuar pas fitores në Superkupë si dhe pas ndalesës së rivalëve të përjetshëm dhe ndaj krutanëve nuk priten hapa fals. Kastrioti është i vetëdijshëm se nuk do ta ketë të lehtë përballë bardhebluve, por Emiliano Çela do të synojë të shkëputet akoma më shumë nga zona e ftohtë e renditjes.
Lexo gjithashtu
