Pano Qirko u transferua në merkaton e verës te Partizani, duke blerë kartonin nga Teuta. Qirko ishte portieri me më shumë rrjeta të paprekura sezonin e kaluar dhe drejtuesit e kuq i besuan një kontratë të vlefshme deri në vitin 2028.
25-vjeçari është aktualisht portier i parë, pasi Alban Hoxha iu nënshtrua një operacioni. Në kampionat janë luajtur 18 ndeshje. Dhe pse Qirko ka luajtur 1 ndeshje më shumë se Hoxha në kampionat, ka pësuar më pak se ky i fundit.
7 herë ka nxjerrë Qirkon topin nga porta, kundrejt 9 herëve të Hoxhës. Kapiteni ka arritur ta mbajë portën e paprekur gjatë 2 ndeshjeve, teksa ish-portieri i Teutës 4.
Në anën tjetër Hoxha është më fatsjellës për 17 herë kampionët. Me atë në portë, Partizani ka pasur mesatare 2 pikë për ndeshje, ndërsa me Qirko 1.5 pikë. Pritet me interes të shihet se cili do jetë gardiani që Shehi do i besojë fanellën e titullarit.
Lexo gjithashtu
