Tirana prej ditësh vazhdon përgatitjet për duelin me Dinamon në kampionat, i vlefshëm për javën e parë të “Abissnet Superiore”. Siç dihet tashmë jemi 1 javë para startit dhe skuadrat po u japin dorën e fundit përgatitjeve, për të ndezuar më pas “motorët” për një sezon të gjatë dhe të luftuar.
Te bardheblutë janë 3 lojtarë që mbajnë në nakth trajnerin Orges Shehi për sfidën me Blutë. Filip Najdovski, Albi Doka dhe Ardit Deliu. Dy të fundit kanë më shumë gjasa që të jenë të gatshëm për derbin, por kapiteni mbetet ende në dyshim.
Gjithësesi Najdovski ka nisur stërvitjen duke qetësuar paksa Shehin, i cili shikon që një nga pikat kyçe të formacionit ka nisur përgatitjet. Mbrojtësi ka nisur nga puna për të marrë ngarkesën e duhur, teksa bën maksimumin për të qenë gati për sfidën e javës së parë të kampionatit. Përsëri gjendja e tij do të shikohet nga stafi mjekësor nëse do të mund të jetë 100% gati për Dinamon apo do të duhet të shtyjë aktivizimin e tij edhe për një javë tjetër.
Lexo gjithashtu
