Tirana u eleminua nga Kupat e Europës duke u mposhtur 2-0 nga Besiktas. Pas kësaj ndeshje, stafi teknik i bardhebluve i ka dhënë tre ditë pushim lojtarëve për të rinisur më pas përgatitjet intensive për fillimin e këtij sezoni futbollistik.
Situata në skuadër është relativisht e qetë, me përjashtim të Gentian Selmanit, i cili u dëmtua rëndë ndaj turqve. Portieri i bardhebluve theu këmbën dhe me gjasë do të mungojë deri në fund të dhjetorit. Kjo s'është konfirmuar ende përfundimisht, megjithatë mundësia më e madhe është që "gardiani" të mungojë për disa muaj.
Në këto kushte drejtuesit po presin se çdo të ndodhë me lojtarin në mënyrë që të mund të futen ose jo në merkato. Nëse portieri do të mund të kthehet më shpejt në fushë, Tirana do ta nisë sezonin me Ilion Likën. Në të kundërt do të hedhë sytë nga tregu shqiptar apo dhe i huaj për të gjetur një lojtar që do të mbrojë katërkëndëshin në pjesën e parë të sezonit.
Lexo gjithashtu
