Tirana ia ka dalë të grumbullojë një sasi të mirë parash nga shitja e lojtarëve. Drejtuesit bardheblu kanë bërë më së miri punën e tyre, teksa falë edhe aftësive, kanë korrur sukses. Pak ditë më parë u shit Ernest Muçi. Sulmuesi i talentuar firmosi me Legian e Varshavës, për një shifër rreth 650.000 mijë euro. Shifër kjo e konsiderueshme për futbollin shqiptar. Vlen të theksojmë se kishte edhe oferta të tjera për talentin, por nuk përmbushën pritshmëritë ekonomike të klubit.
E njëjta rrugë pritet të ndiqet edhe për Ismajlgecin dhe Çelhakën. Kampionët në fuqi synojnë edhe 1 milionë euro nga këta dy futbollistë, të cilët janë objektiv i shumë ekipeve europiane. Largimi i tyre është i mundshëm, pasi kalimi në një Klub më të madh është një objektiv që çdo lojtar e ka.
Kjo bën që Tirana të vetë-financojë merkaton e ardhshme, ku mund t’i lejojë vetes edhe ndonjë blerje BIG. Diçka të tillë pamë edhe për Taulant Seferin, me kryeqytetasit që ia dolën t’a huazonin.
Pra, e ardhmja e Tiranës është në duar të sigurta…
Loading ...
